БИШКЕК, 30-окт. — Sputnik. Кыргызстан Россиядан Ми-17В-5 тик учактарын жана учкучсуз башкарылуучу "Орлан-10Е" аппараттарын сатып ала турганын УКМК билдирди.
29-октябрь күнү "Ала-Арча" мамлекеттик резинециясында министрлер кабинетинин төрагасынын орун басары — УКМК төрагасы Камчыбек Ташиев "Рособоронэкспорт" акционердик коомунун жетекчиси Александр Михеев менен жолуккан
© Фото / пресс-служба ГКНБ КР
29-октябрь күнү "Ала-Арча" мамлекеттик резинециясында министрлер кабинетинин төрагасынын орун басары — УКМК төрагасы Камчыбек Ташиев "Рособоронэкспорт" акционердик коомунун жетекчиси Александр Михеев менен жолуккан.
Анын жүрүшүндө Кыргызстан менен Россиянын ортосундагы аскерий-техникалык кызматташууну алдыга жылдыруу маселелери талкууланганы айтылды. Тараптар "Рособоронэкспорт" компаниясынан жаңы тик учак сатып алуудан тышкары Кыргызстандагы Ми-8 МТВ тик учактарын капиталдык ремонттон өткөрүүгө макулдашкан. Мындан тышкары, тетиктер жеткирилип, агрегаттары оңдолмокчу.
УКМКнын маалыматына караганда тараптар Кыргызстандын учкучсуз башкарыла турган көп функционалдуу "Орлан-10Е" аппараттарын сатып алуусу боюнча келишимге кол коюшкан. Саны азырынча белгисиз. Каражат республикалык бюджеттен бөлүнөрү айтылды.
Буга чейин Ташев бийлик Түркиядан "Байрактар" аппараттарын сатып аларын айткан болчу.