БИШКЕК, 29-окт. — Sputnik. Pfizer вакцинасы 30-октябрдан тарта Бишкектин бардык эмдөө пунктуларында жеткиликтүү болот. Бул тууралуу Саламаттык сактоо министрлиги билдирди.
Мындан тышкары, препарат Аламүдүн менен Сокулук райондорунда жана Кант шаарында дагы болот.
1-ноябрдан баштап республиканын бардык аймактарына акырындык менен жеткирилет. Аны менен 18 жаштан жогорку курактагы бардык каалоочулар эмделе алат. Ар бир дозасы 21-28 күн аралыкта сайылат.
Вакцинанын 259 740 дозасы 27-октябрда COVAX багыты менен алып келинген.
Буга чейин ЮНИСЕФтин колдоосу менен Pfizer үчүн төрт муздаткыч менен ийнелер алынган.