БИШКЕК, 29-окт. — Sputnik. Sputnik Кыргызстан агенттигинин кабарчылары Бишкекте кырсыктаган автобустун сүрөттөрү менен видеолорун жөнөттү.
Кадрдан автобустун маңдайкы айнеги, отургучтары жулунуп кеткенин көрүүгө болот. Тез жардам кызматынын маалыматы боюнча, кырсыктан 15 адам жабыркаган. Алардын төртөө балдар. Оор жаракат алгандар жок.
Эске салсак, бүгүн, 29-октябрда, жүргүнчү ташыган автобус
Чыңгыз Айтматов проспектинде бакты сүзгөн. Патрулдук милициянын маалыматына караганда, автобус Киргизия-1 конушу жактан түштүктү көздөй баратып, айдоочу рулду башкара албай калгандыктан бакты сүзгөн.
Милиция жол кырсыктын чоо-жайын иликтеп, автобустун алдынан автоунаа чыгып калышы мүмкүндүгүн билдирди.