БИШКЕК, 27-окт. — Sputnik. Өткөн суткада Кыргызстанда 124 кишиден коронавирус аныкталып, үч бейтап каза болду. Бул тууралуу Республикалык штаб кабарлады.
Ал эми 106 адам оорудан айыгып чыккан.
Жуктургандар:
Ушуну менен өлкөдө илдет илештиргендердин жалпы саны 180 865ке чамалап барды. Анын ичинен 175 302 адам айыккан.
"Бир суткада эмделбегендер арасында үч бейтап көз жумду", — деп жазылган Республикалык штабдын маалыматында.
Соңку суткадагы сандарды кошкондо пандемия башталгандан тарта өлкөдө жалпысынан 2 661 бейтап өмүрү менен кош айтышты.
Бүгүнкү күндө стационарда 688, ал эми амбулатордук шартта 692 адам дарыланып жатат.