ОШ, 25-окт. — Sputnik. УКМКга караган Мамлекеттик чек ара кызматынын Ош облусу боюнча башкармалыгынын базасында 2021-жылдын күз айларында аскердик милдет өтөө үчүн чакырылган 300 жоокер салтанаттуу ант берди. Бул тууралуу аталган башкармалыктын башчысынын милдетин аткаруучу Замирбек Бекиев билдирди.
Ант берген жоокерлер чек ара отряддарында жалпы аскердик даярдыктан өтүшкөн.
Аземден соң Ош жана Жалал-Абад облустарында жайгашкан чек ара пунктуларына бөлүштүрүлөт.
"Ата Мекендин алдында өзүңөрдүн милдетиңерди татыктуу аткарып, эгемендүү Кыргызстандын чек арасын талыкпай кайтарасыздар деп терең ишенем. Чек ара аскерлери — бул абройлуу аскердик тармак. Ошондуктан сиздерге өлкөбүздүн аймактык бүтүндүгүн коргоо жоопкерчилиги жүктөлдү", — деди Бекиев жоокерлерге кайрылып жатып.
Ант берүү аземине өлкөдөгү эпидемиологиялык кырдаал эске алынып, бардык санитардык талаптарды сактоо менен аскер кызматкерлеринин жакындары катышкан жок.