БИШКЕК, 24-окт. — Sputnik. Бишкек — Ош унаа жолунун 145-чакырымында (Суусамыр өрөөнү) Toyota Estima менен Toyota Camry үлгүлөрүндөгү автоунаалар кагышып, эки адам каза болду. Бул туурасында ӨКМ билдирди.
Окуя 24-октябрга караган түнү болгон.
Кырсыктын кесепетинен жеринде эки эркек адам мерт болуп, 10 киши жабыркаган. Анын бешөө эркек, төртөө аял жана бир кичинекей кыз экени айтылды.
ӨКМден барган беш куткаруучу каза болгон адамдардын сөөгүн унаадан чыгарып ИИМ кызматкерлерине өткөрүп беришкен.
Ал эми жабыркагандар Тез жардам кызматы жана жолдо бараткан машиналар аркылуу Кара-Балта шаардык ооруканасына жеткирилген.