Ачыткысыз, тузу жок, бууга бышырылган нан "момо" делет. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
Анын айтымында, бул сөз эпостун көп жеринде кездешет.
"Манас эпосунда кездешкен "момо" деген сөздү чечмелейбиз. Бул сөз эпосто кездешкени менен күнүмдүк турмушта колдонулбайт. Кытай тилинде ачыткысыз, тузсуз бууга бышырылган нан "момо" делет. Саякбай Каралаевдин вариантында Алооке Манастын кабарын угуп Бээжинди көздөй качып, Күчөр шаарына барып жайгашкан. Ошол жерге жайгашкан ордосунда ашпозчулар хандарга момо токоч беришкени айтылган", — деди Талантбеков.
Ошондой эле Тибетте "момо" сөзү кадимки мантыга окшогон тамакты түшүндүрө турганын кошумчалады.