БИШКЕК, 20-окт. — Sputnik. Кыргызстандын түзөтүү абактарынын биринде "түрмөлөрдөгү массалык башаламандыктарга бөгөт коюу" боюнча пландалган атайын-тактикалык окутуу жүргүзүлдү. Бул тууралуу Юстиция министрлигинин Жаза аткаруу мамлекеттик кызматы кабарлады.
Машыгуунун максаты камактагылар чуу көтөргөндө ЖАМКтын бөлүмдөрү кандай иштеши керектигин, ошондой эле ички иштер органдары менен кандай аракет кыларын көрсөтүү болгон.
Окутууга ЖАМКтын "Омега" атайын дайындоодогу отрядынын жоокерлери, кинологдор кызматтык иттери менен, түзөтүү мекемелери, соттолгондор менен камакка алынгандарды кайтаруу жана күзөтүү департаментинин кызматкерлери, ошондой эле милиционерлер катышты.
Алар тактикалык ыкмаларды, массалык чууларды чектөөгө алып жана токтотуунун жолдорун, ошондой эле алардын кесепеттерин жоюу жана мекемедеги абалды турукташтыруу иштерин бекемдешкен.