БИШКЕК, 20-окт. — Sputnik. Бишкекте Инвестиция министрлиги журналисттер үчүн уюштурган сынактын жыйынтыгы чыкты. Ага Россия тараптан каржыланган ПРООНдун “КМШ аймагындагы туруктуу өнүгүүнү каржылоо үчүн потенциалды бекемдөө” долбоору колдоо көрсөткөн.
Жеңүүчүлөрдүн арасында Sputnik Кыргызстан маалымат агенттиги жана радиосунун редактор-баяндамачысы Таалай Ороскулов жана кабарчысы Бакыт Толканов бар.
Сынак эки багыт боюнча өткөрүлгөн: эл аралык финансы институттарынын туруктуу өнүгүү боюнча каражаттарын алууга мүмкүнчүлүк жана инвестиция тартуу.
Сынактын негизги максаты — окурмандардын эл аралык каржылоо боюнча көбүрөөк маалымат алуусуна шарт түзүү жана журналисттерди чыгармачылык жактан шыктандыруу.