БИШКЕК, 18-окт. — Sputnik. Иран Москва форматында Афганистан боюнча 20-октябрда өтө турган сүйлөшүүлөргө катышат. Бул туурасында Ирандын ТИМ жетекчиси Саид Хатибзадеге таянып RT кабарлады.
"Москвадагы отурум боюнча айтсак, ага биздин өкүл атайын барып, катышат ", — деген Хатибзаде.
Мындан сырткары, Ирандын тышкы ведомствосунун жетекчи Хатибзаде 27-октябрда Тегеранда өтө турган Афганистандын коңшу өлкөлөрүнүн ТИМ жетекчилеринин деңгээлиндеги жолугушуусу туурасында да кулак кагыш кылган.
"Тегеранда Афганистандын коңшуларынын тышкы иштер министрлерин кабыл алабыз. Бул жолугушуу бетме-бет форматта өтөт", — деген Ирандын ТИМ жетекчиси.
Буга чейин радикалдык "Талибан"* кыймылы 20-октябрда Москвада Афганистан боюнча сүйлөшүүлөргө катышарын билдирген эле.
* — Кыргызстан, Россия жана башка бир катар өлкөлөрдө тыюу салынган уюм