БИШКЕК, 15-окт. — Sputnik. Президент Садыр Жапаров бүгүн, 15-октябрда, Көз карандысыз мамлекеттер шериктештигинин (КМШ) мамлекет башчылар кеңешинин мааракелик жыйынына видеоконференция форматында катышат.
Иш-чаранын жыйынтыгы боюнча КМШ мамлекет башчыларынын бир катар документтерди кабыл алышы пландалууда. Алардын негизинен шериктештиктин 30 жылдыгы, биологиялык жактан коопсуздукту камсыздоодогу, миграция тармагындагы жана шериктештик алкагында жарандардын шайлоо укуктарын коргоо боюнча кызматташтыкты өнүктүрүүгө багытталганы айтылды.