БИШКЕК, 15-окт. — Sputnik. Мамлекет башчы Садыр Жапаров "Жалал-Абад облусуна караштуу Аксы районунун Кербен шаардык кеңешин таркатуу жана мөөнөтүнөн мурда шайлоону дайындоо" жөнүндө жарлыкка кол койду. Бул тууралуу президенттин маалымат кызматы кабарлады.
Мамлекет башчы БШКга шайлоону уюштурууну, ал эми министрлер кабинетине каражат бөлүп, коопсуздугун камсыздап, БШКга жардам берүүнү тапшырган.