БИШКЕК, 14-окт. — Sputnik. Жалал-Абад шаарында төрөлгөн үч эмдин ата-энесине жергиликтүү бийлик тарабынан эки бөлмөлүү батир берилди. Бул туурасында мэриянын маалымат кызматы билдирди.
Батирдин ачкычын шаар мэри Эрнисбек Ормоков, шаардык кеңештин төрагасы Нуртилек Орозбаев тапшырган. Үч эмге турак жай сатып алууга жергиликтүү бюджеттен 1 800 000 сом бөлүнгөн.
Мэрия үч эмди (бир уул, эки кыз) жарыкка алып келген 38 жаштагы Гүлнара Бүркүтованын буга чейин беш баласы менен бир бөлмөлүү батирди ижаралап күн кечирип келгенин белгиледи.
Наристелер үстүбүздөгү жылдын 31-мартында жарык дүйнөгө келген.