БИШКЕК, 11-окт. — Sputnik. Ош облусунда унаа жолдогу көпүрө бузулуп, үстүнөн өтүп бара жаткан оор жүк ташуучу техника сайга кулап калды. Бул тууралуу Өзгөчө кырдаалдар министрлигинин маалымат кызматы билдирди.
Кырсык бүгүн, 11-октябрда, саат 15:20да облустагы Ош — Папан — Кожокелен унаа жолунун Кара-Суу районундагы 24-чакырымында болгон.
Ош облусунда унаа жолдогу көпүрө бузулуп, үстүнөн өтүп бара жаткан оор жүк ташуучу техника сайга кулап калды
© Фото / пресс-служба МЧС КР
Көмүр жүктөлгөн унаада эки киши болгон. Алар кырсыкта машинадан түшүп кетүүгө үлгүрүшкөн.
Окуянын чоо-жайын териштирүү үчүн ӨКМдин Кара-Суу району боюнча башкармалыгынын башчысы кырсык болгон жерге чыгып кетти.