БИШКЕК, 11-окт. — Sputnik. Айыл, суу чарба жана аймактарды өнүктүрүү министрлигинин айрым кызматкерлери жана логистикалык компаниянын өкүлдөрү коррупциялык схема түзүүгө шектелип кармалды. Бул туурасында УКМКнын маалымат кызматы кабарлады.
Иликтөөнүн жыйынтыгында бул коррупциялык схеманы уюштургандар кармалып, сот тарабынан тергөө бүткөнгө чейин камакка алуу боюнча бөгөт чарасы тандалган. Шектүү катары кимдер колго түшкөнү туурасында маалымат берилген жок.