Актер жана режиссер Мурат Мамбетов 1955-жылы 8-октябрда Нарын облусундагы Ат-Башы районунда төрөлүп, балалыгы Фрунзе шаарында өткөн. Мектепте окуп жүргөн кезинде түрдүү иш-чараларга жигердүү катышып, 9-класста окуп жүргөн кезинде "Ак куулар конгон айдың көл" тасмасына тартылган. Өспүрүм Сабира Күмүшалиеванын небересинин, Орозбек Кутманалиев менен Таттыбүбү Турсунбаеванын уулунун ролун аткарган. Кийин актердук боюнча Алматы шаарында билим алып, кыргыз мамлекеттик драма театрына кирет. Куттуу жайда Бакен Кыдыкеева, Даркүл Күйүкова, Сыдыкбек Жаманов, Насыр Кытаев өңдүү залкарлар менен бирге сахнага чыгып, андан соң "Тунгуч" театрында иштеп, кинофильмдерге да тартылып турган.
Өмүрүн киного арнаган инсан жөнүндө кызыктуу фактыларды Sputnik Кыргызстан агенттигинин материалынан окуса болот.