Сынакка 16 жаштан 28 жашка чейинки кыздар катышып, иш-чара "өзүн тааныштыруу", "улуттук костюм", "үй тапшырма" жана "кече кийими" деп аталган этаптардан турган. Жыйынтыгында Кыргызстандын сулуусу деп 16 жаштагы Алтынай Ботоярова аталган.
"Кыргызстан сулуусу — 2021" сынагынын жеңүүчүсү учурда Борбор Азиядагы Америка университетинин студенти.
Акмарал Турдуева биринчи вице-мисс болсо, Кызжибек Азимбек кызы экинчи вице-мисс аталган. Айдай Жокенова үчүнчү вице-мисс болсо, Сайкал Бугубаевага Мисс R Style наамы берилген. Ал компаниялардын биринин брендин көрсөтмөкчү.