БИШКЕК, 1-окт. — Sputnik. Электрондук тамекиге (вейп) куюу үчүн гашиш майын аткезчилик менен алып кирүүгө шектелген кыргызстандык тергөө абагына киргизилди. Бул тууралуу ИИМ кабарлады.
31 жаштагы киши 15-сентябрь күнү АКШдан келген посылканы "Түндүк" бажыдан алып жаткан кезде кармалган. Коробканын ичинен суюктук куюлган ампулалар табылган. Кийин экспертиза бул гашиш майы экенин аныктаган.
31 жаштагы киши 15-сентябрь күнү АКШдан келген посылканы "Түндүк" бажыдан алып жаткан кезде кармалган
© Фото / Пресс-служба МВД КР
Факт боюнча Кылмыш-жаза кодексинин 270-беренеси ("Аткезчилик") менен сотко чейинки өндүрүш башталды. Биринчи май райондук сотунун чечими менен шектүү №1 тергөө абагына эки айга камакка алынды.
Коробканын ичинен суюктук куюлган ампулалар табылган. Кийин экспертиза бул гашиш майы экенин аныктаган.
© Фото / Пресс-служба МВД КР
Укук сакчылары тергөө амалдарын улантууда жана товарды АКШдан жибергендерди аныктоо боюнча иштер аткарылып жатат.