БИШКЕК, 28-сен. — Sputnik. Дүйшөмбү күнү, 27-сентябрда, Улуттук банк 31,1 миллион доллар сатканы туурасында маалымат аталган банктын сайтына жайгаштырылды.
Бүгүн кечээкиге караганда долларды сатып алуу курсу 5 тыйынга түшүп, ал эми сатуу мурдагы деңгээлинде (84,9 сом) кармалып турат.
Бул беш айдан бери биринчи ирет жасалган интервенция. Башкы банк акыркы ирет чет элдик валютаны 29-апрелде саткан. Анда көлөмү рекорддук көрсөткүчкө жетип, 62 миллион доллардан ашкан.
Жыл ичинде өлкөнүн башкы банкы жети ирет интервенция жасап, жалпысынан 303 миллион 550 миң доллар саткан.