БИШКЕК, 28-сен. — Sputnik. Кыргызстан малдын ич этин сатып алууну үч эсеге көбөйттү. Бул тууралуу Статистика боюнча улуттук комитеттен кабарлады.
Жети ай аралыгында республика 143,9 тонна ичеги-карынды (135 миң долларга) сырттан алган. Бул көрсөткүч өткөн жылы 43,9 тоннаны (22 миң доллар) түзгөн.
Кайдан, канча көлөмдө сатып алган:
- Беларусь — 20 тонна;
- Казакстан — 5,5;
- Россия — 58,4;
- Украина — 54,2;
- Өзбекстан — 5,8.
Жети ай ичинде Кыргызстандан Гонконг, Вьетнам, Түркия жана Египет 629 тонна ич эт алып кеткен. Бул былтыркы жылдын январынан июлуна чейинки мезгилге салыштырмалуу 14,7 тоннага аздык кылары айтылды.