БИШКЕК, 21-сен. — Sputnik. Кыргызстанда бир катар адистиктердин, өзгөчө тигүүчүлөр менен куруучулардын жетишсиздиги байкалып жатат.
Бул тууралуу Sputnik Кыргызстан агенттигинин мультимедиалык маалымат борборунда өткөн брифингде Саламаттык сактоо жана социалдык өнүктүрүү министрлигинин ишке орноштурууга көмөктөшүү бөлүмүнүн жетекчиси Гүлмира Алканова билдирди. Ага кайсы адистиктердин жетишсиздиги өзгөчө байкалып жатканы боюнча суроо узатылган.
"Мисалы, курулуш бизнесинде газ жана электр ширетүүчүлөр абдан керек. Тигүүчүлөр жетиштүү көлөмдө окутулганы менен бардык жерде тартыш болуп жатканын көрүүгө болот", — деди Алканова.
Ал ошондой эле IT-адистерине талап күч экенин кошумчалады.