БИШКЕК, 14-сен. — Sputnik. Бишкек шаарынын айрым райондорунда 11 күнгө, тактап айтканда, 13үнөн 24-сентябрга чейин ысык суу токтотулат. Бул тууралуу мэрия билдирди.
Маалыматка караганда, Фучик көчөсү 19/1 дарегинде жайгашкан жер астындагы түтүктөн газ чыгып жатат. Мындан улам оңдоо иштери аткарылууда.
Буга чейин "Газпром Кыргызстан" ишканасы оңдоо иштерине байланыштуу 13-20-сентябрь күндөрү Лев Толстойдо, Чоң Чүй каналында, Ала-Арча суусунда, Баетов, Алыкулов көчөлөрүндө, ошондой эле Кызыл-Аскер, Керемет, Касым, Аска-Таш, 110-квартал, Балбан-Таймаш конуштарында жана Достук кичи районунда табигый газ токтотуларын билдирген.
Мындан улам "Бишкек жылуулук энерго" коммуналдык ишканасы аталган аймактарда 13-сентябрдан 20-сентябрга чейин ысык сууну токтотууга аргасыз болот.
"Факел" от казаны кечээ өчүрүлгөн, бүгүн болсо "КЭЧ-1", "КЭЧ-2", "Мектеп-интернат-1" жана "ВЧ" от казандарын өчүрүү күтүлүүдө.