БИШКЕК, 14-сен. — Sputnik. Бишкек шаарында 21-24-сентябрь күндөрү жаш киночулардын "Үмүт" эл аралык форуму өтөт. Бул тууралуу Маданият, маалымат, спорт жана жаштар саясаты министрлиги кабарлады.
Билдирмеге караганда, иш-чара режиссёр, СССРдин эл артисти Болот Шамшиевдин 80 жылдыгына арналмакчы.
"Толук метраждуу тасмалар "Ала-Тоо" кинотеатрында көрсөтүлсө, сынакка катыша турчу кыска метраждуу фильмдер Кино үйүндө тартууланат", — деп айтылат маалыматта.
Бул ирет көрүүчүлөр "Адам. Тагдыр. Жашоо" темасы тууралуу тасмаларга күбө боло алары кошумчаланды.