ЖККУнун Бириккен штабынын жетекчиси Анатолий Сидоров аскерлер менен жетекчилердин даярдыгына канааттанганын билдирди.
"Машыгуулардын активдүү этабы жыйынтыкталды. Эпидемиологиялык жана башка факторлорду эске алганда бул ыкчам жана аскердик машыгуулар биргелешкен биринчи иш-чара болуп калды. Жетектөөчү курам жогорку чеберчилигин көрсөттү. Эми бизди Тажикстан менен Россиядагы иш-чаралар күтүп турат", — деди ал.
Башкы штабдын жетекчисинин биринчи орун басары Артур Темиров машыгуулар ЖККУга мүчө-мамлекеттин аймагына басып кирген мыйзамсыз куралдуу түзүлүштөрдү жок кылууга даярдык көрүү максатында өткөрүлгөнүн билдирди.
Жалпысынан аталган иш-чарага 1 000ден ашуун адам катышып, 150 даана аскердик жана атайын техника пайдаланылган. Алардын ичинде бир нече ракеталык система, Су-30СМ истребителдери, Су-25 чабуул жасоочу учактары жана Ми-8 тик учагы, "Орлан-10" учкучсуз аппараты бар.