БИШКЕК, 9-сен. — Sputnik. Борбор калаанын айрым көчөлөрүнүн кесилишинде жаратылыш газы 13-сентябрдан 20-сентябрга чейин өчүрүлөт. Бул тууралуу "Газпром Кыргызстан" ишканасы билдирди.
Кызматкерлер бул аралыкта Фучик көчөсүндө 1971-жылы ишке берилген жер алдындагы газ өткөргүчүн оңдошот.
Көгүлтүр от берүү үзгүлтүккө учурай турган аймактар:
- Толстой, ЧЧК, Ала-Арча дарыясы, Баетов, Алыкулов көчөлөрүнүн кесилишкен аймагында;
- Кызыл-Аскер, Керемет, Касым, Аска-Таш, 110-квартал, Балбан-Таймаш, Достук жаңы конуштарында.
"Газпром Кыргызстан" компаниясы түзүлгөн ыңгайсыздык үчүн кечирим сурап, аталган убакыт аралыгында энергиянын альтернативдүү булактарын колдонууну сунуштады.