БИШКЕК, 6-сен. — Sputnik. Ысык-Көл облусунда Борбордук Азия аймагынын жамааттык коопсуздугунун ыкчам аракетке келүүчү күчтөрүнүн машыгуусу өттү. Бул тууралуу Коргоо министрлигинин маалымат кызматы кабарлады.
ЖККУга мүчө өлкөлөрдүн аскерлери Көлдө машыгуудан өттү. Сүрөт
© Фото / пресс-служба Минобороны КР
Аскердик окуу "Эдельвейс" борборунда болгон. Ага ЖККУнун коргонуу ведомстволорунун аскердик бөлүктөрү катышкан.
Эми полигондо 7-9-сентябрда "Рубеж-2021" деп аталган аскердик машыгуу башталат. Ага Кыргызстан, Казакстан, Россия, Тажикстан, ЖККУнун катчылыгы менен бириккен штабынын аскерлери жана ыкчам топтору катышмакчы.
Башкы максат — ЖККУнун аскерлерди башкаруу органдарынын (жамааттык күчтөр) жетекчилеринин иш тажрыбасын жогорулатуу. Ошондой эле биргелешкен операцияда берилген тапшырмаларды аткаруудан сырткары аскердик бөлүктөрдүн эриш-аркак иштешүү чеберчилигин арттыруу экени айтылды.