БИШКЕК, 31-авг. — Sputnik. Чолпон-Атада триатлон боюнча Азия чемпионаты болот. Бул тууралуу аталган спорттун түрү боюнча федерациядан билдиришти.
Маалыматка ылайык, 17-19-сентябрь күндөрү өтчү биринчиликке 17 мамлекеттин жарандары катыша алат. Анда спортчулар эки дистанцияда ат салышат. Super sprint категориясындагылар 300 метр сууда сүзүп, сегиз чакырымды велосипед менен өтүп, эки чакырым чуркайт. Sprint категориясында 750 метр сууда сүзүп, беш чакырым чуркап, 20 чакырымды велосипед менен багындырат.
Ал эми спорт сүйүүчүлөрү сууда 300 метр сүзүп, 10 чакырымдык веложарышка катышып, эки чакырым чуркайт.