БИШКЕК, 30-авг. — Sputnik. Ош шаарында режиссёр Болот Шамшиевдин элесине арналган "Кыргыз керемети" сүрөт көргөзмөсү өтөт. Бул тууралуу уюштуруучулар билдиришти.
Ага ылайык, сүрөт көргөзмө менен катар эле актриса Айтурган Темированын чыгармачылык кечеси болот.
Бул иш-чара 2021-жылы Кыргызстанда белгилене турган төрт маанилүү датага карата уюштурулуп жатканы айтылды. Алар:
- Кыргыз улуттук киносунун 80 жылдыгы;
- "Кыргыз киносу кереметинин" авторлорунун бири, дүйнөгө белгилүү кинорежиссер Болотбек Шамшиевдин 80 жылдыгы;
- Актриса Айтурган Темированын чыгармачыл ишмердигинин 50 жылдыгы;
- "Ысык-Көлдүн кызгалдактары" фильминин 50 жылдыгы.
Сүрөт көргөзмө менен актрисанын чыгармачылык кечеси 30-август күнү саат 16:00дө Ош шаарындагы "Семетей" кинотеатрында өтөрү кошумчаланды. Кирүү акысыз.