БИШКЕК, 29-авг. — Sputnik. Бишкектин чыгыш тарабында танкалар жүрөт. Бул тууралуу Sputnik Кыргызстан агенттигине күбө Telegram аркылуу маалымдады.
Бишкектин көчөлөрүндөгү танкалар. Сүрөт
© © Фото очевидца, отправленное по Telegram-каналу
Сүрөттөр Шабдан баатыр көчөсү менен Валиханов көчөсүнүн кесилишинде (мурдагы Чүй проспекти менен Чолпон-Ата көчөсү) тартылган. Күбөнүн айтымында, аскер кызматкерлери танкаларды жанынан тартууга уруксат берген эмес.
Кыргызстандын Куралдуу күчтөрү Эгемендүүлүктүн 30 жылдыгына карата аскердик парадга даярданууда. Иш-чара 31-августта "Ала-Тоо" аянтында өтмөкчү.