"National Geographic Россия" сайты Кембриж университетинин окумуштуулары адаттан тыш окуянын күбөсү болгонун жазды.
Алар кээ бир жаныбарларга аңчылык кылуу үчүн шамдагайлыктын же өтө зиректиктин деле кереги жок экендигине ынангандыгын айтышкан. Токойдо шашпай келе жаткан ташбаканын чардактын канаты жаңы чыга баштаган балапанын чырылдаткан тейде башын чайнап койгон видеосун тартып алышкан. Чымчык, кыязы, уядан жерге кулап түшүп, кайра чыга албай калгандай.
Исполин таш бакасы Сейшел аралдарында жашап, өтө аялуу жаныбарлардын катарына кирет. Алар негизинен чөп, жалбырактар жана дарактардын кабыгы менен тамактанат. Маалыматтарда кээде гана эт жей турганы айтылып келет. Биологдор аталган жаныбарлардын тарпты жана өлүп калган таш бакаларды жей турганын билгендиктен, анын бул сапар балапанга кол салуусуна таң калгандыгын жазышкан.