БИШКЕК, 24-авг. — Sputnik. 25-августта күндүз тоолуу райондордо өткүн өтүп, күн күркүрөйт. Бул тууралуу Кыргызгидромет билдирди.
Ысык-Көлдө эртең менен көпчүлүк аймактарда, Нарын жергесинин айрым райондорунда жаан жаайт. Талас менен Баткенде күн ачык болот. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.
Абанын температурасы Чүйдө +29...+34, Талас аймагында +27...+32, Ош, Жалал-Абад жана Баткен облустарында +30...+35, Ысык-Көлдө +21...+26 жана Нарын жергесинде +23...+28 градуска көтөрүлөт.
Күндүн табы Бишкекте +32...+34, Ош шаарында +33...+35, ал эми Чолпон-Атада +21...+23 градуска жетет.