БИШКЕК, 24-авг. — Sputnik. Өзбекстанда 291,6 миң этникалык кыргыз жашайт. Бул тууралуу маалыматты өлкөнүн Мамлекеттик статистика комитетине таянып Sputnik Өзбекстан агенттиги жазды.
Анда 2021-жылдын январь айына карата маалыматтар алынган. Туруктуу жашаган калктын саны 34,6 миллионду түзгөн. Комитеттин маалыматына ылайык, этникалык курам төмөнкүчө:
- өзбектер — 29,2 миллион;
- тажиктер — 1,7 миллион;
- казактар — 821,2 миң;
- каракалпактар — 752,7 миң;
- орустар — 720,3 миң;
- кыргыздар — 291,6 миң;
- түркмөндөр — 206,2 миң;
- татарлар — 187,3 миң;
- корейлер — 174,2 миң;
- украиндер — 67,9 миң;
- азербайжандар — 41,2 миң;
- беларустар — 18,5 миң;
- башка улуттун өкүлдөрү — 426,4 миң.
Статист адистердин маалыматы боюнча, 17,7 миллион адам шаарларда, 17,2 миллион калк айыл жерлеринде жашайт.