БИШКЕК, 24-авг. — Sputnik. Министрлер кабинетинин төрагасынын орун басары Жылдыз Бакашова 2021-2023-жылдарга карата COVID-19 менен күрөшүү программасын иштеп чыгуу боюнча жумушчу кеңешме өткөрдү. Бул тууралуу өкмөттөн билдирди.
Жыйында эпидемиологиялык абал жана өлкө аймагындагы коронавирустук инфекцияны жоюу боюнча узак мөөнөттүү иш-чаралар планы талкууланган.
"Бакашова 2021-2023-жылдарга COVID-19 менен күрөшүү боюнча мамлекеттик программаны иштеп чыгууну сунуштады. Ошондой эле ведомстволор аралык жумушчу топ түзүүнү тапшырды. Ал топ программанын долбоорун жана аны ишке ашыруу боюнча иш-чаралар планын өкмөткө сунуштайт", — деп айтылат маалыматта.
Жумушчу топтун курамына мамлекеттик органдардын өкүлдөрү эле эмес, бейөкмөт жана эл аралык уюмдардын көз карандысыз эксперттери да кирмекчи.