Терезе же эшиктин кооздолуп жасалган кашегин "банжара" деп колдонсо болот. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
Анын айтымында, бул сөздү бир нече мааниде пайдаланууга болот.
"Эпостун саптарында "банжара" деген көөнө сөз кездешет. Ал эшик, терезенин кашектеринин тегерегине коюлуучу жыгачтан же металлдан оюу же башка формада жасалган кооздуктарды түшүндүрөт. Дагы бир маанисинде чарпая жана башка тамак ичкен атайын жайдын туш тарабынан тосулуп коюлган торду билдирет. "Манаста" "банжарасы артылып, ар кызыгы айтылып" деген саптар бар", — деди Талантбеков.
Манасчы көөнө сөздөрдү күнүмдүк турмушта пайдалануу керектигин кошумчалады.