БИШКЕК, 20-авг. — Sputnik. Өткөн суткада өлкөдө 25 886 киши коронавируска каршы вакцина алды. Бул тууралуу Республикалык штаб кабарлады.
Анын ичинен 8 305и вакцинанын биринчи дозасын сайдырса, калган 17 581и вакцинанын экинчи дозасы менен эмделген.
Жалпысынан өлкөдө 622 845 адам вакцинанын биринчи дозасын алды. Ал эми экинчи доза менен 323 237 кишинин эмделгени маалым болду.
COVID-19га каршы вакцинациялоо боюнча улуттук пландын алкагында Кыргызстанда 3,4 миллион адамды эмдөө каралган. Жамааттык иммунитет жаралышы үчүн кеминде калктын 70 пайызы вакцина алышы зарыл. Бул 2,4 миллион адамды түзөт.