19-августта тар чөйрөдөгү жыйын өттү, бирок ага пресса катышкан жок. Ал эми бүгүн, 20-августта, кенен чөйрөдөгү отурумга чогулушту. Күн тартибине көптөгөн маселелер киргизилген. Органикалык продукциялардын бирдиктүү рыногун түзүүдөн санариптештирүүгө чейин талкуулашты. Мунун эффективдүүлүгү тууралуу Россия өкмөтүнүн төрагасы Михаил Мишустин айтып берди. Ал мындай жаңы технологиялар көмүскө импорт менен күрөшүүгө жардам берерин белгиледи.
Дагы бир маанилүү жагдай катары тышкы соодадагы тоскоолдуктар аталды. Бул маселени Кыргызстандын министрлер кабинетинин төрагасы Улукбек Марипов көтөрдү. Аны Мишустин дагы колдоду.
Жыйындын соңунда Евразия экономикалык комиссиясынын коллегиясынын төрагасы Михаил Мясникович тоскоолдуктан сырткары башка дагы бут тосуулар бар экенин билдирди. Жыл соңуна чейин көйгөйдү жолго коюу пландалууда.
Аягында өкмөт башчылары буйрук, тапшырма жана чечимдерден турган 15 документке кол коюшту.