БИШКЕК, 19-авг. — Sputnik. Англиянын University of Surrey окуу жайынын психологдору Instagram тармагындагы кыздардын ачык сүрөттөрүн көргөн аялдар өзүнүн денесин жактырбай баштаарын аныкташты. Бул тууралуу Известия Body Image журналына шилтеме берип жазды.
Изилдөөгө Италиядан 19 жаштан 31 жашка чейинки 247 ыктыярчы катышкан.
Аялдарга кыздардын ачык кийинген ар кандай кадрларды жана аларга жазылган комментарийлерди көрсөтүшкөн. Андан кийин катышуучулардан өзүнүн денесин кандай баалаарын жана эмнесин өзгөрткүсү келгенин сурашкан.
Эксперименттин жүрүшүндө айымдар интернеттеги кыздардын сүрөтүн көргөндөн кийин өздөрүнөн уяла түшкөнү жана сулуулук процедураларынан өтүүнү ойлонуп калганы белгилүү болгон.
Ошол эле учурда бирөөгө суктанып жазылган комментарийлер аларга көп таасир этпегенин белгилешкен.