БИШКЕК, 17-авг. — Sputnik. Жалал-Абад облусуна караштуу Шамалды-Сай шаарында № 2027 аскер бөлүгүнүн ыкчам кызматынын М.Ж. аттуу жоокери нөөмөттө турган кезде өзүн-өзү төшкө аткан. Бул тууралуу УКМК кабарлады.
Учурда ал Ноокен райондук ооруканасында дарыланып жатат.
"Ок сол тарабына тийген. Аскердин абалы канааттандырарлык деп бааланууда. Жанында энеси карап жатат", — деп айтылат маалыматта.
Учурда окуя боюнча териштирүү жүрүп жатат. 2021-жылы армияга чакырылган М.Ж. кызмат өтөгүсү келбегендиктен аскер бөлүктөгү психологдун тыкыр көзөмөлүндө болуп келген. Алдын ала маалымат боюнча, М.Ж. армиядан кетүү максатында ушундай кадамга барган.