БИШКЕК, 17-авг. — Sputnik. Россия авиарейстердин каттамын Кыргызстанга жана башка өлкөлөргө көбөйтөт. Бул тууралуу РФтин өкмөтүнүн сайтына жарыяланды.
Маалыматка караганда, Кыргызстанга, Тажикстанга, Венгрияга жана Кипрге болгон рейстердин каттамы 27-августтан тарта көбөйөт.
Жогоруда айтылган күндөн тарта Москва — Бишкек каттамы жумасына жети жолудан аткарылмакчы. Учурда жумасына үч рейс каттайт.
Мындан сырткары, Новосибирск, Красноярск, Екатеринбург, Иркутск жана Грозный шаарларынан жумасына бир ирет самолёт учуп турат.