Экс-президент Карзай талибдер менен сүйлөшүү жемиштүү жүрүп жатканын айтты

БИШКЕК, 17-авг. — Sputnik. Афганистандын мурдагы президенти Хамид Карзай "Талибан"* кыймылынын жетекчилиги менен сүйлөшүү жемиштүү болгонун билдирди. Бул тууралуу РИА Новости CNN телеканалына таянып жазды.

Элчи Афганистандагы кыргызстандыктар менен Памир кыргыздары тууралуу маалымат берди

17 Баш оона 2021, 00:32

Буга чейин Афганистандын Улутту элдештирүү боюнча жогорку кеңешинин башчысы Абдулла Абдулла жана мурдагы президент Карзай "Талибандын"* жетекчилиги менен тынчтык тууралуу сүйлөшүп жатканын билдирген. Алар негизинен Кабулдагы абалды туруктуу кармап калуу боюнча баарлашкан.

Алар менен бирге эле талибдер менен Афганистандын мурдагы премьер-министри, Афганистандагы ислам партиясынын лидери Гульбеддин Хекматияр (1993-1994) да сүйлөшүп жатканы маалым болду.

"Биз "Талибан"* кыймылынын жетекчилиги менен байланышып, сүйлөшүү жүргүздүк. Анда маанилүү темалар козголду, кызматташуу уланып жатат", — деп жооп берген мурдагы президент.

Ал Абдулла жана Хекматияр менен Афганистандагы жашоону өз нугуна салыш үчүн бардык күч-аракетти жумшап жатканын айтып, андан жыйынтык чыгат деген үмүтүн билдирген.

Эскерте кетсек, 15-август күнү "Талибан"* кыймылы акыркы болуп борбор калаа Кабулду алып, Афганистанды толугу менен өзүнө каратты. Бүт чек ара өтмөктөрүнө да көзөмөл кылууда. Уюмдун мындай аракети АКШ менен НАТОнун аскер күчтөрү чыгарылган соң күчөгөн.

*"Талибан" — Кыргызстан, Россия жана бир катар мамлекеттерде тыюу салынган уюм