БИШКЕК, 16-авг. — Sputnik. Улуттук банк бүгүндөн тарта алтын куймаларды жана нумизматикалык баалуулуктарды сатуу, эскилиги жеткен акчаларды алмаштыруу боюнча операцияларды жандандырганын кабарлады.
Мындай чечим "Кыргызстандын көз карандысыздыгына — 30 жыл" аталышындагы тыйындардын жаңы коллекциясы сатууга чыкканына байланыштуу кабыл алынган.
Коллекциялык монеталар Улуттук банктын мекемелеринин кассаларында сатылууда. Аны жумуш күндөрү саат 9:00дөн 15:00гө чейин барып же www.numizmat.nbkr.kg веб-сайты аркылуу алууга болот.
Аталган операциялар эпидкырдаалдан улам 6-июлда токтотулган болчу.