БИШКЕК, 15-авг. — Sputnik. 16-августтан тарта Бишкектин бир катар аймактарында 12 күн көгүлтүр от жок болот.
Буга чейин "Газпром Кыргызстан" ишканасы 16-августтан 27-августка чейин жылытуу сезонуна карата газ бөлүштүрүүчү тармактарда оңдоо жана профилактикалык жумуштар аткарыла турганын айткан.
Газ берүү үзгүлтүккө учурай турган аймактар:
- Курманжан датка, Калинин көчөлөрүндө, Чүй проспектинде, ЧЧК менен кесилишкен аймактарда;
- Чыгыш-5 кичи району;
- Бакай-Ата жаңы конушунун күн батыш тарабы;
- ЖЭБ (ТЭЦ) району;
- Восток жана Лебединовка айылдары.
"Газпром Кыргызстан" компаниясы түзүлгөн ыңгайсыздык үчүн кечирим сурап, аталган убакыт аралыгында энергиянын альтернативдүү булактарын колдонууну сунуштайт.