БИШКЕК, 15-авг. — Sputnik. Афганистандын президенти Ашраф Гани Ахмадзай отставкага кеткени айтылды. Бул тууралуу Sputnik Тажикстан агенттиги жазды.
Маалымат расмий тастыктала элек.
Жергиликтүү ЖМКлар бийлик Афганистандын 2003-2005-жылдардагы министри, Германиядагы мурдагы элчи Али Ахмад Жалалиге берилерин жазышууда.
Ошондой эле Гани өлкөдөн тоскоолдуксуз чыгып кетиши үчүн учак даярдалгандыгы тууралуу да маалыматтар бар.
Буга чейин "Талибан"* делегациясы Кабулдагы президенттик сарайга өкмөт менен сүйлөшүү үчүн келгени маалым болгон. Жолугушууларга АКШ менен НАТОнун өкүлдөрү да катышты.
*"Талибан" — террордук уюм деп табылып, Россияда ага тыюу салынган.