Өрт чалган өлкөлөрдөн тарта ажолордун жыйынына чейин. Сүрөт түрмөк

Иордан дарыясынын Батыш жээгинде Израиль аскерлери менен палестиналыктардын кагылышы уланууда. Палестиналыктар жаңы еврей конушунун курулушуна жана аймактагы жерлеринен ажырап калышына каршы чыгууда.

Чолпон-Атада спорттун ММА, жиу-житсу, грепплинг, самбо жана тай бокс түрлөрү кирген "Биримдик-2021" аталышындагы чемпионат өттү. Мелдеш Кыргызстан менен Россиянын эриш-аркак жылынын алкагында уюштурулду.

Түркиянын токойлорунда өрт күч алууда. 10 күндүн ичинде 21 жерден өрт чыккан. Кырсыктан жети киши каза болду. Өрттүн жоопкерчилигин өлкөдө террордук деп таанылган "Оттун балдары" (Дети огня) аттуу уюм алган.

Чымыр денелүү, сулуу... Токио Олимпиадасындагы кыз-келиндердин сүрөттөрү

3 Баш оона 2021, 18:36

КР президенти Садыр Жапаров Түркмөнстанда өткөн Борбор Азия мамлекеттеринин башчыларынын жыйынына катышты.

Токиодогу Олимпиада оюндарынын жабылыш салтанатында олимпиадалык эстафета Франциянын борбору Парижге өткөрүлүп берилди.

Грециядагы аномалдуу ысыктан улам токойлордон өрт чыкты. Айрым аймактарында абанын табы +47 градуска чыккан. Бул акыркы 40 жылдагы эң жогорку көрсөткүч болду.

Бишкекте кыргызстандык олимпиадачыларды тосуу салтанаты өттү. Өлкө куржунунда эки күмүш, бир коло байге бар.

1 / 16

Иордан дарыясынын батыш жээгинде Израиль аскерлери менен палестиналыктардын кагылышуусу учурундагы бала. Палестиналыктар жаңы еврей конушунун курулушуна жана аймактагы жерлеринен ажырап калышына каршы митингге чыгууда.

2 / 16

Түркиянын Мугле аймагындагы кыйраган район жана өрттөнгөн токой. Түркиядагы токойдон өрт чыкканы тууралуу алгачкы кабарлар 28-июлда Манавгаттан келген, ал жерде 10 күндүн ичинде 21 жерде от тутанган. Кырсыктан жети киши каза болгон. Өрттүн жоопкерчилигин террордук деп таанылган "Оттун балдары" (Дети огня) уюму алган.

3 / 16

Меданда (Индонезия) коронавируска каршы эмдөө алуу үчүн кезекке туруу

4 / 16

Чолпон-Атадагы "Биримдик-2021" чемпионатынын жаш катышуучулары. Чемпионатта спортчулар ММА, жиу-житсу, грепплинг, самбо жана тай бокс боюнча ат салышты. Мелдеш Кыргызстан менен Россиянын эриш-аркак жылынын алкагында өттү.

5 / 16

Франциянын Боваль зоопаркында Хуань Хуань аттуу чоң панда жаңы туулган мамалагы менен

6 / 16

Кыргызстандын президенти Садыр Жапаров Түркмөнстанда өткөн Борбор Азия мамлекет башчыларынын кеңешмесине катышты. Өлкө лидерлери аймактагы соода-экономикалык, энергетикалык, транспорттук-коммуникациялык чөйрөдөгү, ошондой эле пандемияга каршы күрөшүү боюнча өз ара алакаларды талкулашты.

7 / 16

Монпельеге (Франция) жакын жерде балапандарынын арасында турган фламинго

8 / 16

Кыргызстандык мушкер Бусурманкул Абдибаит уулу Чолпон-Атада өткөн EFC 38 мелдешинин чемпиондук куру үчүн беттеште россиялык Руслан Яманбаевди техникалык нокаут менен утту

9 / 16

Хабиб Нурмагомедов, Рустам Жапаров жана Тай-Мурас Ташиев Чолпон-Атада өткөн EFC 38 мелдешинде

10 / 16

Америкалык жеңил атлетчи Тара Дэвис Токиодогу Олимпиада оюндары учурунда

11 / 16

Кыргызстандык грек-рим күрөшүнүн балбаны Акжол Махмудов Олимпиада-2020 мелдешинен күмүш медаль утту. Чечүүчү беттеште ал венгриялык Тамаш Лёринцке 2:1 эсебинде жеңишти алдырды.

12 / 16

Грециядагы кайнаган ысыктан улам токойлордо өрт чыкты. Айрым аймактарда абанын табы +47 градуска жеткен. Бул акыркы 40 жылдагы эң жогорку көрсөткүч болду.

13 / 16

Токио Олимпиадасынын коло байгесинин ээси Мээрим Жуманазарова Бишкектеги "Ала-Тоо" аянтында күйөрмандар менен сүрөткө түшүп жатат. Жуманазарова олимпиадалык медаль уткан алгачкы кыргызстандык спортчу кыз болуп калды.

14 / 16

АКШдагы Чоң Туздуу көл аркылуу өткөн темир жол

15 / 16

Олимпиаданын күмүш медалынын жеңүүчүсү Айсулуу Тыныбекова Бишкекте спортчуларды салтанаттуу тосуп алган аземде турган чагы

16 / 16

Patrouille de France учкучтар тобу Токио Олимпиадасынын жабылыш аземин трансляциялоо учурунда Париждеги Эйфель мунарасынын жанындагы атайын жабдылган аянтчанын үстүнөн учуп өтүүдө. Олимпиадалык эстафета салтанаттуу түрдө Парижге өткөрүп берилди.