Грецияда ири масштабдагы өрт чыкты. Бир нече күндүн аралыгында эле өлкөнүн ар кайсы райондорун каптаган 586 өрт кырсыгы катталган. Көп айга созулган кургакчылык менен күндүн ысыгы жаратылыш кырсыгына себеп болгон. Баарынан да чоңдугу боюнча өлкөдө экинчи орунда турган Эвбея аралы жабыркады.
Куткаруучулар менен жергиликтүү тургундар биригип өрттү өчүрүүгө аракет жасашууда. Мындан сырткары, Грецияга Европа менен Жакынкы Чыгыштын 20дан ашык мамлекети жардам берип жатат. Эл аралык деңгээлдеги колдоого карабастан куткаруучулар баары бир жетишсиз экени айтылды.
Өрт кырсыгы Грециядан башка Италия, Черногория, Түркия жана Түндүк Македонияны кыйнады.