Алга Кылычевди бутка атты делген депутат үй камагына чыкты

Прокурор ок атууга шектелген депутатты камоо боюнча өтүнүч келтирген, бирок сот аны канааттандыруудан баш тарткан.
Sputnik

БИШКЕК, 9-авг. — Sputnik. Мурдагы президент Алмазбек Атамбаевдин тарапташы Алга Кылычевди бутка атты делген Бишкек шаардык кеңешинин "Социал-демократтар" фракциясынан депутат Таалай Темиркулов үй камагына чыкты. Бул туурасында Бишкек шаардык сотунун маалымат кызматы билдирди.

Равшан Жээнбековду үй камагынан Бишкектеги тергөө абагына киргизишти. Себеби
Депутаттын баш коргоо чарасы кечээ, 8-августта, Ленин райондук сотунда каралган. Анда прокуратура шектүүнү камоо боюнча өтүнүч келтирген, бирок сот аны канааттандырган эмес. Натыйжада Темиркулов эки айга, 7-августка чейин үй камагына чыгарылган.

Эске салсак, 7-августта Бишкекте Алга Кылычев ок жеп, ооруканага жаткырылган. Анын жубайынын айтымында, жабыркаган жаран Бишкек шаардык кеңешинин депутаты Таалай Темиркулов менен телефондон сүйлөшүп жатып айтыша кеткен. Бир нече убакыттан кийин ал келип Кылычевди сыртка чакырган. Көп өтпөй эле сырттан ок атылганы угулганда жубайы чуркап чыгып, бутуна ок жеп жерде жаткан күйөөсүн көргөн.