Сумка, паспорт, капчык. "Ала-Тоо" аянтынан табылган буюмдар ээсин күтүүдө

БИШКЕК, 9-авг. — Sputnik. Инспекторлор "Ала-Тоо" аянтынан баалуу буюмдарды жана документтерди таап алууда. Бул туурасында Бишкектин Кайгуул милиция кызматы билдирди.

Буюмдар учурда аянттагы милиция пунктунда сакталып турат.

Аталган пункт ачылгандан бери (2021-жылдын 18-июну) төмөнкүлөр табылган:

• 14 паспорт, тогузу ээсине кайтарылып, бешөө сакталып турат;
• 5 сумка, экөө ээсин таап, үчөө сакталып турат;
• 5 үйдүн жана автоунаанын ачкычы, төртөө кайтарылды;
• самокат (ээсине берилди);
• капчык;
• 5 портмоне, төртөө кайтарылып, бирөө сакталып турат;
• пенсиялык күбөлүк;
• автоунааны каттоо күбөлүгү.