БИШКЕК, 4-авг. — Sputnik. 5-августта Бишкектин бир нече көчөсүндө ысык суу өчүрүлөт. Бул тууралуу "Бишкек жылуулук түйүнү" ишканасынан билдирди.
Маалыматка караганда, оңдоп-түзөө иштеринен улам саат 8:00дөн 17:00гө чейин Медеров, Шакиров, Таш-Көмүр, Ажыбек баатыр жана Жунусалиев көчөлөрү менен чектешкен райондордо ысык суу жок болот.
Шаар тургундарында кандайдыр бир суроо жаралса 1980 кыска номерине же (0312) 61 11 69 телефонуна чалса боло турганы айтылды.
Компания келтирген ыңгайсыздык үчүн шаардыктардан кечирим сураган.