БИШКЕК, 2-авг. — Sputnik.Таалайбек Сарыбашов Бишкек шаарынын мэринин милдетин аткаруучу болуп дайындалды. Бул тууралуу өкмөттүн маалымат кызматы кабарлады.
Тийиштүү буйрукка министрлер кабинетинин төрагасы Улукбек Марипов кол койгон.
Сарыбашов 2015-жылдан 2018-жылга чейин өкмөттүн Ош облусу боюнча ыйгарым укуктуу өкүлү болгон. 2018-жылдан азыркы убакытка чейин Ош шаарынын мэри болуп иштеп келе жаткан.
Мыйзам боюнча, Бишкек шаарынын мэрин 11-июлдагы шайлоодон өтүп келген шаардык кеңештин депутаттары шайлайт. Ага чейин өкмөт шаар жетекчисинин милдетин аткаруучуну дайындай алат.