БИШКЕК, 28-июл. — Sputnik. Кыргызстан мусулмандарынын муфтийинин орун басары Кадыр Маликов кызматтан кетүү тууралуу арыз жазды. Бул тууралуу ал өзүнүн Facebook баракчасына жазды.
"Жакында эле муфтияттан кетип, болгон күч-аракетимди илимий-окутуучулук жана руханий-агартуучулук жагына жумшоону чечтим", — деген Маликов.
Муфтийдин атына жазылган арызда ал ден соолугуна байланыштуу кызматтан бошотууну суранган.
Орун басарлык орунга Маликов 2020-жылдын август айында дайындалган.